k歌之王.....

二家姐話好耐都冇帶排骨仔同肥師奶去唱k,所以星期六佢就屈咗我,大家姐同大力帶排骨仔同肥師奶兩隻嘢去荃灣唱k(之前二家姐明明話一齊去架!)

不過原來我哋去嗰間red box係新開張,下晝去唱位位都係$45,重有汽水同薯條甩屎都係任食,另外又有啲十蚊兜嘅小食好似腸仔,沙律嗰啲....叫埋小食,計埋加一都係五十幾蚊一位,唱足3粒鐘.....超抵!

之但係由於我哋lee排真係冇乜唱k,又冇乜聽新歌,唱嚟唱去都係啲舊歌,啲歌重要repeat 再repeat唱, (嗰十幾首歌都可以唱咗3粒鍾),冇辦法啦淨係"k歌之王"排骨仔唱多啦A夢同紅日都分別唱咗4次,好心分手又唱咗兩次,又迫我哋唱醜得漂亮(又要唱4次),連冇乜人識嘅兒歌"何家公雞何家猜"都要唱3次......真係發夢都記得lee幾首歌!