攪咗一輪終於約到個整水管嘅師傅,不過佢話要上去我屋企睇吓條水管整唔整到先,佢睇完就叫我執開個櫃(廚櫃對上嗰個櫃,我從來都未開過唔知之前亞媽擺啲乜喺度
) 嘅雜物,下星期六再嚟幫我整水管.....
其實執嘢真係冇乜所謂,之但係個櫃似乎十年都冇人開過,真係好驚有好多小強住咗喺度!不過都冇辦法點都要執,唯有頂硬上啦
.....一路執真係一路驚,好彩個櫃都係擺咗啲平日唔多用嘅嘢咖啡壺,全盒,瓦煲,同埋十零支酒....當執到尾聲諗住移開啲酒嘅時候.....殊不知.....見到.......啲酒......入面...........有..........老鼠呀.......頂!真係嚇死......睇真啲原來嗰支係田鼠酒....重有兩支咁多.....
咿!見到隻田鼠仔喺支酒度浮吓浮吓,真係毛管都戙埋,好難頂呀......真係掂唔都敢掂支酒....最後都係用條毛巾包住先敢移開佢,重驚死打爛佢
(爛咗都唔知點執番隻田鼠仔)!其實真係好想掉咗嗰兩支酒,不過老豆同亞媽都當嗰啲酒係寶(雖則從來冇見過佢哋飲
),掉咗佢又好似唔多好....都係將佢哋搬埋一邊當時運高睇唔到算啦!
沒有留言:
發佈留言