一波未平一波又起

繼幾日前比啲塵蹣攪到皮膚敏感之後今日又病咗喇,其實正確嚟講尋日已經唔多舒服(又係喉嚨痛同埋鼻發炎嗰啲),今日起身覺得個額頭興興地都知唔對路,索性繼續瞓請病假算啦

!....唉!斷估應該係前日探亞媽嗰陣比佢傳染咗,一陣探佢都係帶番個口罩穩陣,重要擺定幾個喺亞媽度旁身!

喉嚨鬼咁痛,都唔多想食嘢添,都係食番白粥穩陣啲,不過由於我住喺山區嘅關係,想搵碗白粥食吓都有啲困難,唯有自己煲啦,最後煲咗一大煲瑤柱瘦肉粥

.....