中醫師

尋日下晝大家姐同我帶咗亞媽去荃灣睇中醫,由於想慳慳哋嘅關係,我哋帶咗亞媽喺沙田搭巴士去荃灣,點知等咗鬼死咁耐先嚟架白色嗰啲巴士,大家姐就扶亞媽上車,我就抬架輪倚上車....家陣先知原來架輪倚確實好重吓!...師機叔叔見到我哋咁狼狽都忍唔住問"乜你哋唔等金巴呀,嗰啲可以成架輪椅推上車....",我心諗 "鬼唔知咩,你又唔揸架金架嚟!lee條巴士線啲班次又鬼死咁疏,點等啫!",不過lee啲說話梗係擺喺心算啦,我頭皮答佢"趕時間丫嘛"就算喇!

大力喺荃灣等我哋,之後我哋就帶咗亞媽去睇中醫諗住幫佢調理吓身體,但係去到醫館大家姐無啦啦又話我身子弱,叫我睇埋一份,其實我都知佢係驚驚哋個中醫師啲藥唔知會唔會太堅,驚亞媽食咗唔舒服又唔識話比我哋知有乜唔妥,所以搵多個人試藥穩陣啲....就係咁無啦啦走去睇埋一份,做白老鼠試吓藥(我啲藥同亞媽嗰啲參唔多),食兩劑中藥當強身健體囉!

可能我同亞媽都係第一次睇,醫師比啲藥都好似幾溫和,應該冇乜異樣掛!查實啲藥都唔算難飲,不過....無啦啦要隊兩杯苦茶真係有啲難頂!