秋風起

天氣開始轉涼,秋風起就梗係食臘味啦,尋日咁啱見到二家姐,佢又咁啱買咗半斤臘腸....難得咁啱梗係叫佢整兩孖臘腸嚟吔吓啦,正!好耐冇食過喇,搵日整嚟食先!

由於lee排都乾燥咗好多,所以都入咗啲潤唇膏同潤膚膏潤潤佢.....雖則護膚品好重要不過有樣嘢都好緊要,揀直係秋冬必備.....lee樣嘢就係後備鬧鐘一個,其實lee排天氣涼涼哋真係特別好瞓,試過比鬧鐘嘈醒之後又瞓番,又試過個鬧鐘冇電行慢咗傻吓傻吓咁繼續瞓攪到遲到,趕頭趕命咁碌落街搭車番工好慘呀....為咗避免lee啲慘劇再發生都係洗小小錢買多個鬧鐘穩陣!