得把聲

唔知大家重記唔記得前排有個哥仔打錯電話,之後重噏咗一堆廢話嗰個呢...其實佢又真係間唔中都打錯,通常都係打嚟搵'亞聰', 有次重打嚟搵完亞聰隔咗幾分鐘又打嚟搵Theresa

(都唔知係咪玩嘢)!其實真係好想叫佢delete咗我個電話號碼,等我唔駛耐唔耐就聽到啲白撞嘅電話!

頭先嗰條茂利又打嚟,不過今次佢第一句說話唔係搵'亞聰',因為我講咗一句"喂?"佢已經知道自己打錯電話,重認得我把聲添!

之後條茂行又一輪咀咁講:

「乜我又打錯電話,點解成日都打咗比你?」

於是我又乖機同佢講:「咁你下次唔好打錯喇....」

茂利:「唔好,咁難得次次都打錯比你,得閒再搵你啦.....」(跟住又係一堆廢話,都唔記得佢噏乜)

亞祖:「唔駛客氣啦,唔駛再打嚟喇!」

茂利:「唔係喎不如做個朋友啦,你叫乜名呀....」

亞祖:「真係唔駛客氣喎!....」(佢又唔係冇禮貌嗰啲,重幾好聲好氣添,都唔知點回應佢好)

茂利:「做個朋友啦,你叫乜名啫....」(比佢激死,無啦啦唔知做乜朋友)

亞祖:「真係唔駛客氣喎!好啦拜拜啦....」(條友都係傻傻哋都係收線穩陣!)

茂利:「咁拜拜啦,下次再打比你」(真係比佢吹漲)

查實我係咪應該強硬啲鬧佢呢,不過佢又好似有我個電話號碼咁,鬧佢恐防重多電話騷擾,真煩!