尋日諗住去買個保暖壺諗住耐唔史可以煲啲湯同埋糖水拎比亞媽,本來lunch睇到公司樓下間百貨公司有個日本製造價值$128大元嘅保暖壺都幾啱心水,但係又咁想格吓價先(諗住西田可能平啲)....點知放咗工去西田再睇.....頂!見到個一模一樣嘅保暖壺,但係買$148呀....大拿拿貴20蚊,唔知就話啫,知又真係唔想買....就係咁為咗20蚊放棄咗冇買!之但係又應承咗亞媽今日會煲雪梨茶比佢飲,又唔想佢失望!一路行一路諗點算好...行行吓見到有間實惠...見到個參唔多款嘅保暖壺原價$59.9特價$39.9......作為一個cheap精嘅我梗係買咗個頂住先啦!
雖則個保暖壺嘅packing寫哂日文,但係我深信佢係'Made in China'嘅,真係唔信39.9有Made in Japan
!不過用到就算罷啦!
今朝特登早啲起身煲雪梨茶拎比亞媽,佢好鍾意飲呀!
沒有留言:
發佈留言