時間啱啱好

今日下晝又諗住帶亞媽去荃灣睇中醫,咁我就負責同亞媽搭的士帶亞媽去荃灣同大家姐佢哋匯合,同之前一樣我都係call咗架8折的士嚟車我同亞媽......

落到樓下架的士已經到咗,咁我就慢慢扶亞媽上車啦,扶扶吓又聽到個電話响,我估都係大家姐call我(唔知點解佢劑劑都係教啱lee啲上車時間打比我),不過lee個時候又冇手拎個電話嚟聽,都係扶亞媽上車先算啦,不過個電話仍然不斷咁响(重係响完又响)!好鬼辛苦先扶完亞媽上車,之後就叫師機叔叔幫手擺架輪椅去車尾箱....

lee個時候個電話又响喇,見佢咁急call即刻聽吓攪乜見,原來大家姐搵我想話我知個醫師今日放假,叫我唔駛搭車去荃灣....唔係fa!真係好樣衰,啱啱攪完一大輪上車,家陣又話唔搭真係核突咗少少....好鬼驚比個司機叔叔炳!冇辦法啦,唯有照同司機叔叔講,話比佢知唔搭啦.....好彩司機叔叔都好好人唔用粗口問候我啫.....淨係好淡然咁講咗句"又會咁嘅"就算.....真係超勁樣衰,唔知司機叔叔會唔會blacklist 我呢!