馬賽克(五)

yeah...今晚番學終於砌完個相架喇.....你哋睇....砌哂架喇! haha...國王的新衣...得亞祖睇到個相架係砌哂!! 呢張相係咪有啲熟口熟面呢...咪就係上一堂嗰張相囉...擺明拎出嚟坤你啦! 其實呢...我真係砌哂架...不過影唔切相....頭先真係超過勁趕架....我用咗半堂先攪掂個相架....之後就嘭嘭聲準備下個功課"信插"喇!

就係呢舊嘢囉....其實有好多嘢都想砌架....之前想整棵聖誕樹同雪人(or聖誕禮物)...又想整屋仔...又想整小動物(魚or熊貓仔)...but...由於時間關係...最後都係選擇咗整兩朵花算喇....好在老師過咗幾招嚟...好快就整到兩朵花...當然未完成啦...重要整幾塊葉...再要喺周圍加啲磚當background color....都唔少嘢...希望整得哂啦!!

經老師提點之外...今次選用咗玻璃磚...呢隻磚比較厚...睇落有啲"通透"...又估唔到呢隻磚反而易剪啲...又冇咁易碎...起碼剪到啲似樣嘅三角形啦(雖則有啲大細超)!

究竟呢堂有幾趕? 大家睇吓啲膠水跡有幾"混亂"就知啦...