豐富小便飯

話說上星期四做完咕哩拎咗一大堆食物番屋企...星期日終於可以拎啲食物去二家姐度開大餐喇! 當然唔少得大家姐佢哋啦...好齊人呀!!

其實呢餐都係拜排骨仔所賜....佢平時都已經好鍾意食蝦同蟹"膏", 所以好想試吓食大閘蟹....重話一定鍾意食....所以我就特別托火星人幫手買幾隻一齊食....果然...排骨仔真係食得好開心呀....啲蟹又真係又大隻又多膏...貴少少都值得嘅!!!

既然搵火星人幫手...就梗係順便買埋其他嘢啦...有超大超好味嘅脅子....刺身又得....煮熟嚟食又得...得咗...個個都大讚啲帶子好得呀...啖啖肉又鮮味....價錢又抵!

當然重有和牛啦....二家姐想encore咗好耐架喇.....好味!

啲翡翠螺又大粒又彈牙....用水煮熟再雪番....當冷盤咁食....正!!

咪睇呢個葡汁好似好普通呀...二姐夫為咗襯托其他食物...特登擺咗啲龍蠆落去煮架...真係好好味....hehe....

真係巧豐富嘅一餐...唔敢食得太激喇....不過都食得好開心呀!!