又食又拎

前排關生關太最近搬咗屋,所以今日就同幾個朋友仔去咗佢哋屋企玩....不過可惜骨妹今日唔舒服臨時缺席,骨妹保重呀

!

通常去啲朋友仔屋企玩都離不開麻雀耍樂, 今次都唔例外, 我哋去到第一件事就係攻打四方城...話時話識咗"烏東"咁耐都係第一次同佢打牌咋, 雖則佢口口聲聲話唔識, 不過嬴得最多嗰嗰係佢喎, 反而"山潺"就脫腳慘敗, 真係估佢唔到, 終於明白乜嘢叫做盲拳打死老師傅..."烏東"堅呀!

其實除咗打麻雀之外, 關太一早已經準備咗豐富嘅遊戲節目(重有精美獎品添呀), 去咗咁多次house warming 都係第一次有人準備定遊戲節目咋, 重有獎品可以拎走....關太真係有誠意, 多謝哂....

其中一個遊戲就係Bingo...好刺激架,關太重好細心咁包好啲獎品添 (哈,啲包裝紙重好香艷添)!

戰況好激烈呀....不過......其實......人人都有獎...永不落空架

哈!我羸份大獎添呀......其實係關生關太讓我啫......真係要鳴謝一吓關氐夫婦....

到咗晚飯時間,我哋去咗關氐夫婦屋企附近嗰間稻香酒樓打邊爐, 由於九點後有特價嘅關係, 七個人都係食咗六舊水咋,重係飽到反肚嗰度....好抵食!

 

廣告時間

之前關太都提過佢朋友仔開咗間美容院, 不過始終未抽到時間幫趁吓.....聽關太講效果都唔錯架!

聽聞間美容院除咗有以下嘅服務之外重有開設拉丁舞班添....

不過關太呀關太, 我個卜嘅收視率不朽都唔高...恐怕lee個廣告都係冇乜有緣人睇到!