失而復得的祝福

前幾日同個朋友仔食飯嘅時候…朋友仔講我知原來佢大半個月前寄咗張postcard比我…之但係…我乜鬼都收唔到喎

…寄咗咁耐應該收到九年啦…噢!原來個朋友仔寫錯咗個地址呀…據朋友仔講佢應該係寄咗去我對面屋

!

對於我lee個日日都早出晚歸嘅人嚟講, 又真係同對面屋冇乜碰面嘅機會, 無啦啦敲門問又好似好唐突咁…張postcard確係離我 “這麼近、那麼遠” (其實一句講哂, 我係冇 “吉屎” 問吓對面屋啫

)…好可惜呀!

不過…歌仔都有得唱啦

…“命裹有時… 終需有”, 今晚食飽飯番屋企嘅時候, 住對面屋嘅吳老太叫住我…“劉小姐…我收到封信…寫住姓劉架…唔知係咪你架呢?”…雖然我未見到佢口中嘅嗰封信, 但係我好肯定咁答佢 “係我架”

(

斷估唔會咁邪有第二封信掛)…真係唔該哂你呀吳老太!!!

朋友仔, 終於收到你張postcard同埋來自高空嘅祝福喇, 好靚呀…多謝您!