一追再追....

前排趁商務書局買書有discount所以買咗三本書嚟睇...終於都睇咗兩本喇...其實確係睇得好慢吓(可以用龜速嚟形容)...唔知點解成日都好似冇乜時間睇咁...不過為咗追"最後14堂星期二的課"lee幾晚已經放棄上網喇..(兩晚咁多啦)! 話時話本書確又比我想像中好睇喎....又唔覺悶....而且啲內容有意思得嚟亦都算易明(自問好膚淺吓....太難明又真係唔會有心機睇....)...唔錯!

原來師奶仔之前都買咗本"在天堂遇見的五個人", 佢重借咗本書比我睇添呀....不過尋日睇咗十幾頁....嗯....唔知係咪先入為主呢...好似"最後14堂星期二的課"個故事有趣啲喎!不過可以好戲再後頭呢....繼續追埋去先!

話時話當初去商務買書本應係諗住去買張小嫺本新書嚟架, 點知買吓買吓買咗三本書(三本都唔同作者)...點知家陣本張小嫺仍然原封不動....反而睇哂另外嗰兩本.....吹漲!