呢篇係我喺YAHOO寫嘅最後一篇卜喇.....呢期同其他BLOGGER一樣忙於搬卜....唔講大家一定唔知....其實呢個卜我已經搬咗一半架喇, 係呀已經搬咗總共1052篇!! 乜話...一半?點解新卜度睇唔到啲舊卜嘅...HAHA...呢1052篇卜恐怕大家一世都冇緣見到喇....因為呢啲全部都係我嘅私人日記....唔會公開架!! 實不相瞞....呢啲舊卜真係執得好辛苦呢....由於我唔想將私人同公開嘅卜撈埋一堆....所以逐篇COPY & PASTE去新卜, 最後再DELETE咗喺呢度嘅私人日記....真係手仔軟架!! 不過...手軟事少...睇番啲舊卜真係不得了呀....執吓又睇吓真係會不期然流眼淚! 執咗3個星期終於執哂...家陣終於可以BACKUP咗呢個卜喇!
咁執卜又同呢張海報有乜關係呢?! 嗯....其實我一路睇啲卜就一路諗番起好多好多往事...2007同2008年係我到目前為止過得最唔開心嘅兩年, 睇番日記真係幾乎日日都喊住過....由2008年開始....我習慣咗每晚臨瞓前都祈禱....記得有一排我真係好傻咁祈求上帝可唔可以比我忘記哂呢兩年發生嘅所有事....我成日係喺諗若然我忘記哂所有唔開心嘅事係咪會生活得開心啲? 所以....當我知道有呢套戲嘅時候就好想去睇喇....嘩....唔睇由自可...一睇又爆喊...坦白講...你問我呢套戲好唔好...嗯...我覺得上半PART唔錯....下半PART有點刻意地煸情!! 唓...咁你又爆喊...嗯...冇法啦...佢有啲情節真係太似曾相識.....原來2007同2008年....白百何同張孝全嘅角色我都做過呢!!
咁...呢刻亞祖重想唔想被偷走最唔開心嘅兩年呢? 嗯...或者時間耐咗好多嘢都已經接受咗....諗起當然重係好唔開心啦...不過事實始終係事實...改變不來...況且凡事有兩面嘛......原來一個人經過一啲挫折之後會更加了解自己...我諗呢個應該係我最大嘅得著!!
呢個卜唔會再UPDATE架喇....新卜見啦!! http://joejoelau.blogspot.hk/
咁執卜又同呢張海報有乜關係呢?! 嗯....其實我一路睇啲卜就一路諗番起好多好多往事...2007同2008年係我到目前為止過得最唔開心嘅兩年, 睇番日記真係幾乎日日都喊住過....由2008年開始....我習慣咗每晚臨瞓前都祈禱....記得有一排我真係好傻咁祈求上帝可唔可以比我忘記哂呢兩年發生嘅所有事....我成日係喺諗若然我忘記哂所有唔開心嘅事係咪會生活得開心啲? 所以....當我知道有呢套戲嘅時候就好想去睇喇....嘩....唔睇由自可...一睇又爆喊...坦白講...你問我呢套戲好唔好...嗯...我覺得上半PART唔錯....下半PART有點刻意地煸情!! 唓...咁你又爆喊...嗯...冇法啦...佢有啲情節真係太似曾相識.....原來2007同2008年....白百何同張孝全嘅角色我都做過呢!!
咁...呢刻亞祖重想唔想被偷走最唔開心嘅兩年呢? 嗯...或者時間耐咗好多嘢都已經接受咗....諗起當然重係好唔開心啦...不過事實始終係事實...改變不來...況且凡事有兩面嘛......原來一個人經過一啲挫折之後會更加了解自己...我諗呢個應該係我最大嘅得著!!
呢個卜唔會再UPDATE架喇....新卜見啦!! http://joejoelau.blogspot.hk/
沒有留言:
發佈留言