黏土功課之菜檔(三)

又嚟布猜猜我是誰喇...又係未上色架...有啲會幾難估添架....HAHA! 嚟個易少少嘅熱身先啦...呢幾條嘢應該估到喇掛.....呢個打邊爐都會食架...冇錯...佢係金菇!

 呢個紅卜卜都唔太難估掛....佢哋係辣椒....

呢堆....一見到呢堆嘢就諗起米線...食米線實有嘅...芽菜!

呢個會唔會有少少難估呢? 貼士係綠色長長哋, 表面凹凸不平嘅...見到佢就諗起沙律...佢哋係青瓜嚟架!!

 

HAHA...呢個真係估唔到喇掛..又未上色又未整椗...不過唔知點解大家姐咁醒估到佢係乜東東....真伙斷估有辛苦喎!又比啲貼士你啦...佢上色後會係紅色架...而個椗就係綠色嘅! 估到未呀....未?! 嗯...開估喇...其實佢係蕃茄嚟架!!

難得有種蔬菜嘅顏色係我最愛嘅紫色...所以我都好愛你架....茄子妹妹!!

  

又係紅卜卜嘅...連佢個名都係紅卜卜架....因為佢哋係"紅"菜頭嘛!

 

又影番張GROUP PHOTO先...重有一堆未介紹...下次再估過!!