是日生果！！(香橙慕士、青蘋果白朱古力慕士)

呢期好似少咗啲比較特別嘅團購班...所以都一排冇玩喇....呢個係近期唯一一個團購COURSE喇....都冇揀錯佢....幾好玩...有趣有趣...其實觀塘真係好多呢啲教整甜品嘅小舖, 今次呢間係魔法烘焙室...

上網見到個製成品好可愛所以試試佢先, .整個古古力模都唔簡單架, 所以老師就準備定啲倒好咗嘅古古力模比我哋........其實...老師都有教我哋架....我都試整咗少少.....其實小心啲整應該整到嘅...

之後我哋就要自已打CREAM整慕士喇....有兩種味架...青蘋果就配白古古力慕士....個橙呢就配番香橙慕士....

用唧袋注滿啲慕士入啲古古力模度....再拎去雪...雪好再用糖皮搓蘋果椗同橙椗....

 係咪巧得意呢...又可以拎去厄細路LU!

連個盒都好靚呀....就咁睇真係好似一PACK生果呢...HAHA!!

整完即刻送貨啦....食後感又唔錯喎...可能我冇乜期望啦....因為慕士一向唔係我杯茶...不過呢個慕士又唔算好甜...重橙有橙咁...蘋果又有蘋果粒...真係唔錯!! 而且老師都教得好好呢...有問必答之餘重解釋得好詳盡!!讚!!