西餐班part 2 - 第6堂

星期六又係上西餐班嘅日子...又係又食又玩嘅日子....今次重有飯吔添呀....不過吔飯之前飲番碗湯先啦....先嚟一個通粉紅豆番茄湯.....

兜吓啲雜菜先.......

之後就加啲湯喇.....不過呢....加完湯就出咗事喇....典解會咁多湯架...人哋4人一煲少我哋成半架喎...我哋嗰組5個人都冇奶油要多咁多湯架喎?! 係...因為我哋5條茂利唔聽日書....師傅兜湯係比兩組人分架(不過又咁喎隔離組冇哂人)....我哋又貪心...一嘢倒哂落去! 出事啦....成大煲....唯有大火啲等佢煲乾啲水先啦...

其實紅豆即係紅腰豆呀.....煲到咁上下就擺埋落啲湯度先....

加啲茄膏落去整色整水先.....

由於冇乜酸味...所以加咗兩片檸檬吊味....

猛火煲完一輪之後個湯杰番啲喇...加埋啲香料同調味又ok喎...haha!

整完個湯就煮飯喇..今次整西班牙海鮮飯..真係有好多海鮮呀! 有魚, 蝦, 青口...

重有蜆...由於時間關係啲蜆已經用鹽水浸咗一排....

有蟹添呀.........

又有我至憎嘅青豆.....

洋蔥同紅椒.......

重有蕃茄粒....好多材料吓...

當然唔少得米啦....不過師傅話唔夠米派呀.....啲米少咗啲攪到餸多過飯!

呢個係番紅花嚟架...拎少少出嚟再用熱水浸佢..啲水就會橙橙哋色架喇..我哋就拎啲水擺落啲飯度整色整水喇......

先炒香啲洋慕,米同蕃茄先......

加埋啲上湯就可以煲吓啲飯.......

啲飯收咗水就落埋啲番紅花水同埋海鮮再煲煲佢.......

煲熟啲海鮮就攪掂喇....好香呀........