東寶小館

由於時空交錯嘅關係...呢篇屬於上個星期五嘅卜今日終於出現喇!上星期五又同咗小淫蛙佢哋開飯...由於食8點嘅關係所以我就同咗M姐去揼吓骨梳乎梳乎吓! 原本想book埋一齊揼架...不過呢間嘢話full哂...我哋分開時段揼....我就揼7點, 我去到M姐就閃喇!

呢間就係小淫蛙介紹嘅骨場喇...地方幾靚架...正價去揼真係超貴呀(成4舊水架)...我哋呢啲cheap精梗係唔捨得洗咁多錢去揼骨啦...呢度有得比人試揼架....試揼價都係98蚊一粒鐘咋...又確係值得一試...唔錯架...揼得幾c服! 不過揼完第二日真係散咁...之但係抖咗兩日之後就成身鬆哂咁...堅呀! 不過咁貴真係試一次就夠喇.....下次都係北上揼啦.........................

揼完都8點幾喇....要跑去開飯...星期五真係超多人呀...話時話已經好耐冇嚟呢度開飯喇.....呢間嘢依然係咁多人....靜龜龜話你知...其實呢張相係撻亞M姐架...千祈唔好話比人知! ..........

由於遲到嚟關係...我去到嘅時候...連春卷隻碟都影唔到啦...當然佢哋都會留番一舊比我食啦.............

馳名風沙雞...要訂架.....

呢個係唔知乜q嘢鴨煲...又幾好食架喎.....

沙拉骨都唔錯.........

呢個好食架...係炸猪手...一啲都唔覺肥膩....好香口....

蕃茄湯...我嘅至愛......

炒通菜.....呢個餸好似普通咗啲........

唔知乜白菜....都唔錯.....

大肚婆炒飯...超大碟....

呢碟"烏卒卒...好似好似一隻黑蟋蟀"嘅嘢...其實係墨汁麵嚟架...查實佢個樣確係幾衰吓...不過佢又確係幾好味吓喎衰鬼! 食完一口都黑哂...好似中咗毒咁!

咁呢碗好似中咗毒嘅猪哨又係乜嚟呢?!其實係我食完個麵再裝啲湯落隻碗度就攪成咁囉...確係好肉酸吓....不過有依食嘅亞祖一樣隊落口照食...haha!

數唔數到我哋叫咗幾碟嘢呢?答案係十碟呀...不過呢....查實...我哋得八條友去食咋! 最後....參唔多成鬼哂...好得人驚呀! 食咁多嘢都係每人百鬆啲蚊...碓係抵!