綠田原

今日又去咗耕田...嗯...正確嚟講應該係去睇人"耕田"....下晝就去咗錦上路站集合...靜龜龜話你哋知...我都係第一次嚟呢個站架咋! 真係大陸哩之中嘅大陸哩!

個朋友仔撻咗唔少公司嘢嚟攪呢個local tour喎...不過又確係幾有心思嘅, 辛苦哂!

由於未齊人...所以去咗市集行陣......

齊人喇...出發...成棚人浩浩蕩蕩咁行過去....

原來真係好近西鐵站...過條馬路之後...再行條小路就係!

過咗馬路就好似去咗另一個世界咁....周圍都綠油油...好靚呀! 係喎...今次真係要thanks God喇....今日居然係咁好天! 之前睇天氣預測今日應該係落雨架...我哋之前重好擔心會唔會去唔成添......

由於係lunch時間....我哋去到hea咗陣就開餐喇....你睇啲菜幾新鮮...可以生食架....我試過真係好甜好新鮮架....

主辦單位重怕我哋冇乜肉食, 所以一早準備咗斬料斬料斬大舊叉燒.........中間煲嘢係用嚟煲生菜魚肉架.............

呢條鱔好得架....重有新鮮通菜...其實重有金銀蛋莧菜架...不過掛住食冇影囉!

重有呢個星洲炒米...好食...不過對我嚟講辣咗少少...

係喎...未介紹添...呢個綠田原嘅主人就係著紅色衫嗰位"馮叔"喇...至於藍色衫嗰條茂利就係撻咗唔少公司嘢嚟攪呢個day trip嘅領隊(亦都係亞祖嘅老死)老趙喇!

馮叔重係好鬼man咁表演劈庶...手起刀落....好堅....

領隊就幫手批庶...啲庶又幾甜架喎....

之後就由馮叔發我哋遊花園喇.....呢啲就莧菜喇...

就咁睇重以為係踢波啲草地呀...其實呢啲係通菜嚟架...

呢啲就係紅菜頭喇.....

你睇啲紅菜頭幾靚......

重有小淫蛙至愛嘅蔥呀!

濕米呀....聽聞係超甜濕米嚟架........

呢啲係白矮瓜.....啲花紫色好靚呀....

車喱茄...即擇嚟食...好甜好新鮮架!

又有樹多啤梨...嗯...呢個又算甜...不過都幾香樹多啤梨味!

原來仙人掌都可以食架...重係連皮食添...有機會都想試吓....

由於周圍都勁多蚊...有啲團友行行吓閃咗lu....查實我都著哂長袖衫架喇....點知....暴露喺空氣中嘅每一忽肉都會比蚊針...手指....衫領邊....啲蚊都唔放過! 4點幾倒大家就散喇!我哋重又食又拎咁一人拎咗袋菜走....不過我又怕食唔哂...拎咗少少咋!

由於太攰嘅關係....去完旺角買戲飛(查實....真係後悔懶醒咁自告奮勇話去買定飛...真係超攰...不過應承咗就算喇...死去買完飛就番屋企抖)...終於由6點瞓到8點先起身!

又食喇....當然要食吓啲菜啦...重有尋晚買咗嘅靚牛扒...

啲通菜清清哋都唔錯呀....好味! 嗯.....個兜好似大咗少少...啲菜又好似少咗少少添....haha!

至於塊扒呢....真係好味呀....好稔....正!

係喎...其實呢餐真係要多謝今日嘅領隊老趙, organize個trip重準備埋抽獎禮物...真係辛苦哂! 除咗老趙之外...重要多謝新相識嘅朋友仔火星人呀....真係辛苦哂你喇....女仔人家抬住咁多嘢貨送比我哋! 唔該哂呀! 啲扒好好食呀!