熱烈祝賀肥師奶又大一歲!

4月2號就係肥師奶八歲生日喇...真係唔覺唔覺又八歲....其實...對於肥師奶嚟講生日=開party+收禮物.....所以生日party係唔少得嘅.....上星期六我就去咗佢個生日party...重要做埋送禮大使!

生日party梗係要有日蛋糕啦...天使蛋糕呀...我都係第一次食咋....

食之前要擺啲粒粒糖上蛋糕面.......嗯.......其實個蛋糕都ok架....不過似乎太清唔係太啱小朋友口味!

又係make a wish嘅時間喇......

你睇肥師奶幾認真 (係好認真咁望住個蛋糕, 想快啲食).................

食完蛋糕又係食....好多嘢食呀....食到超飽!

八歲...大個囡喇....係時候"咩"起成頭家喇.....不如先"咩"吓彤彤試吓先啦!

影番張大合照留念先......

之後又係派禮物時間喇....你睇肥師奶有幾多戰利品....紫色嗰盒嘢就係我買架喇...

禮物呢家嘢梗係要預埋排骨仔嗰份啦....又估唔到呢盒嘢都幾好玩架喎...太好喇兩份禮物都啱佢哋玩! 咁....彤彤嗰份呢...嗯...佢....佢.....佢未識玩吖嘛....下...下....下年先買啦.....正所謂慳得一蚊得一蚊嘛....呵呵!