中菜班@Towngas

今晚放工又群埋幾個同樹去咗towngas玩煮飯仔...今次我哋係煮中菜呀...由於我哋4個女子想坐埋一齊....所以一放工就拿拿淋標去銅鑼灣間towngas罷頭位...最後...我哋當然係罷到位啦.....

話時話...咪話我偏心...towngas個地方又真係企理啲架...又有人幫你執頭執尾...最盞係搗亂完個廚房可以不顧而去嘛..haha....

連啲材料都搬得整整齊齊架.....

今次我哋就要落手落腳自己整啦....有蔥爆牛肉同葡國雞...而老師就會示範酸辣湯...有得玩又有得食...正.....

好...一嚟老師就教我哋點攪個蔥爆牛肉啲材料...要切切切...同醃醃醃囉....

再教吓個葡國雞點整.....

跟住又示範吓個酸辣湯點煮....好似好簡單咁喎....

老師即係老師....三扒兩撥就攪掂個酸辣湯.....

我哋重分到一人一碗.....好味呀.....

跟住老師又好快速地完成埋個葡國雞...好香呀....

最後就教埋個蔥爆牛肉................

老師又將佢煮完嘅嘢比我哋試...不過...我哋掛住煮嘢...攤到凍哂先食咋...不過都好味架...................

佢教完就到我哋落手整喇......切哂啲嘢再醃吓啲肉先.....

之後就攪咗個葡國雞先...要煲耐啲嘛.....

煲落個雞之後就要整個蔥爆牛肉...

似唔似樣先......

攪完個蔥爆牛肉之後又要攪吓煲雞...好忙....煲好再加埋啲椰漿就得架喇.....

攪掂就上盒喇...個樣呃唔呃到人呀?

集齊一套影張相先....勁...haha!