bomb叱叱...bomb叱叱...

上星期日...個朋友仔May Chan帶咗我去咗黃埔嘅博藝會威....就咁睇呢張相...大家會唔會以為我去飲?...呢個境又確係好似人哋結婚擺酒嘅格局!

其實....又真係好似同去飲參唔多呀...場面一樣盛大!

其實...我係去咗個生日餐舞會....主角係邊個呢...嗯!...鬼知咩!真係唔識佢係邊位囉...我都係痴飲痴食同痴孖痴架啫! 查實我今次係專成嚟捧個朋友仔場...家因佢今日係負責表演跳舞架...重係表演兩隻舞添呀(拉丁同ball room舞）,確係威呀！個場同平時去飲有乜分別?最大分別就係個場中間有個舞池囉....

話明要表演...梗係要好似去迪迪尼咁..."要做足準備..."...快啲練吓舞先啦...圖中嗰位靚女就係我朋友仔喇....佢party就係今日生日嘅主角!

練咗陣又要趕去裝身喇....我又走埋入化妝間八吓先....嘩!一地都係喼...幾壯觀! 其實除咗朋友仔之外重有其人表演嘉賓架, 原來佢哋個個都興拖個喼去表演架...一喼都係衫,化妝品,鞋重飾物.....一睇呢堆嘢就知現場有幾咗混亂!

啲舞幾靚...掛好佢先........................

雖然大家都忙於裝身...不過都唔係淨係自己顧自己架...你幫吓我時我又幫吓你咁....

party開始喇...又幾得意架喎...啲人一面食嘢一面跳舞架....啲人食食吓見音樂响就會走出去舞番party舞先架喇!有好多人都盛裝出席架...咁....亞祖又著乜去呢?!...妖....新嚟架咩!重駛問嘅...梗係.....牛記粒記牛仔褲一條啦...haha!

至於食物方面...其實都出面酒樓參唔多啦!

實不相瞞...其實.....我淨係影到兩張食物相咋...鬼咩...成枱人...全部我都唔識...你知啦...喺呢個爭食嘅世界...真係要手快腳快咁夾嘢食.......(咁啱我坐嗰枱全部都係啲uncle 同auntie, 好明顯唔夠佢哋爭啦)...所以影唔到咁多相囉! 不過...最攪嘢係...食食吓嘢...啲uncle同auntie無啦啦玩隊酒....坐我對面嗰位auntie又無啦啦向我打眼色叫我乾杯...典呀...我得杯凍哂嘅茶咋喎...唉! 我...唯有死死氣拎起杯茶懶係豪咁噏咗句"好!以茶代酒"...扮隊囉....超無聊!

好! 戲肉出場喇....出場前擺吓pose影番兩張沙龍先啦!

再嚟...型嗎...真係諗起"愛君如夢"呀...可惜...劉華唔喺度啦!

喂喂...亞May係咪好索呢..唔好睇到流鼻血啦.....整污遭啲地方就唔好啦!