執屋の珍藏篇

尋日明明係去睇人耕田啫, 又唔係我耕...都唔知典解...今日重攰緊...真係非常奇怪!本來約咗個朋友仔食lunch...又本來諗住去家姐度食晚飯....不過...實在太攰...最後都係放棄哂所有活動....喺屋企閉關休息!

嗯....不過.....慣咗蒲街嘅亞祖又典會靜靜坐喺屋企唔郁呢(除非真係病入膏肓, 郁都郁唔到啦)....坐到下晝3點幾已經按捺不住...好鬼悶要搵啲嘢做吓....一陣又話攰要抖吓, 一陣又嚴悶要搵啲嘢做吓....你講哂啦....係呀...吹咩!

見到呢堆紙皮箱.........大家都應該估到我要做啲乜啦!當然唔係同亞婆爭飯食.......拎啲紙皮箱去賣啦!.........................

咪就係玩執屋囉...就搬喇再唔執就執唔切架喇!...就係咁...亞祖就開始執嘢啦....一路執一路睇吓有乜嘢掉得! 執執吓睇番細個啲舊相.....都幾攪嘢...呢張係唔知小學幾年班影嘅...搵唔搵到我呢? 搵到就出奇啦...啲人頭咁細粒.............

呢張係中一嘅班相嚟架....應該搵到我喇掛!

woowowo...沙龍..haha....呢個pose掂嗎?!

我都有肥嘟嘟嘅日子架....眼耳口鼻同塊面都係圓形架!

當然...相呢家嘢梗係一張都唔會掉啦...不過...有啲嘢我都唔捨得掉呀....你睇....幼稚園嘅亞祖, 呢個椰殼頭係當年最in架.....

小學啲成績表...集齊一套架...我啲"操行"不嬲都唔錯架...小五嗰年重攞過操行獎添!

連呢啲我都keep番!呢啲係想當年讀higher diploma嘅功課嚟架...haha幾無聊!

不過...最攪嘢嘅係連呢啲我都keep唔少....朋友仔們...你哋認唔認得邊張帖係你架?小淫蛙...我連你比我嗰張觀禮invitation card都重保存得好好架! 又唔係好嘥位...唔掉啦! 就係咁...攪到好多嘢都冇掉到....新屋邊有咁多位呢! 死火....

攪咗4粒幾鐘先pack咗3箱...大家姐重準備咗30個箱比我...究竟幾時先pack得哂呀....