拉胚班(三)

今日又係番拉胚班嘅日子喇....上堂前先去擦餐飽先....你估今次我哋又去咗邊度食呢? 你又估唔估到呢兩舊嘢係乜呢?

其實我哋今次去咗食漢堡包呀....上面嗰兩舊嘢其實係"高科技雞牌"嚟架....落咗order後個姐姐就隊呢舊嘢嚟...等啲包整好之後...呢個"高科技雞牌"就會閃燈同beep beep聲响通知啲人出去拎食物...

呢度落order係要填紙仔, 自己配搭啲餡料架(連芝士都有得揀架)....唔識字...又有選擇恐懼者...勿進呀! 其實...我兩樣證狀都有啲...所以最後係合埋眼填算喇!

個朋友仔叫咗個古古力奶色.........

重有牛肉漢堡....片波蘿好型咁喎....

我呢....飲番穩陣嘅可樂...............

等我試吓雞肉漢堡先...不過呢...我哋一致認為....啲嘢食好似冇乜特別囉!

食飽飽又要仆番學喇...又遲到(其實好似係啲同學仔太早到囉), 今次我哋學吓修飾之前整好嘅作品.....嗯......我都市花行咁試吓整色整水先!

加咗呢兩舊嘢好似有啲九唔搭八添!

重有學埋整番靚個碗腳....不過....真係學藝不精...又要搵老師幫手...不過老師次次隊隻手埋嚟我又唔識就力....越攪越衰....碗都飛埋...好彩隻碗冇乜損傷啫!

其實...呢個course淨係包兩件作品架咋(多咗嘅作品,每件都要另比50蚊).....不過我整咗三件喎...點取捨好呢....真係難過母親的決擇呀....

正所謂...三個都係自己骨肉...試問我又典捨得落咗佢哋吖....鳴鳴嗚....真係一個都不能少呀.....唯有洗少少錢幫佢哋贖身啦!....50蚊買隻碗or樽...好q貴呀!