拉胚班(四)

唔覺唔覺又到咗拉胚班最後一堂喇....典解得四堂咁少?! 其實呢個course總共有六堂架...不過呢頭嗰兩堂只係練習搓泥, 未有作品...所以冇寫囉!

上回講到....亞袓整咗煎釀三寶....即係一個樽....

同埋兩隻碗....唔知大家有冇留意佢哋白咗又靚咗呢? 之唔係因為佢哋啱啱燒完一輪囉......所以白雪雪.....

燒咗第一輪就可以上色喇...幾大桶釉...因為成件作品隊落去浸一浸架.......

不過...素來有選擇恐懼証嘅亞袓就喺顏色配搭方面攪咗好耐...啲同學仔一個二個開始上釉嗰陣我重揀梗色添!我手上呢張紙又有乜用呢?!....其實係老師比我哋寫低自己選擇咗嘅顏色....以免出錯吖嘛....睇怕大家都唔知我寫乜架喇!

呢個就係其中一件上咗色嘅碗喇....碗入面啲色呢其實係老師幫我加工架....老師話碗入面啲色喺燒嗰陣會流落嚟, 有特別效果架....

至於個樽我都整咗第二個特別效果架...希望成功啦! 大家係咪好奇怪乜個個都係白色重攪到一撻撻咁呢...其實燒嗰陣啲顏色先顯露出嚟架....真係好想快啲睇吓佢哋燒完個樣呀...究竟佢哋燒出嚟係乜嘢色嚟呢?究竟佢燒出嚟嘅樣會唔會同我expect嘅爭好遠呢(希望唔好太肉酸啦)? 各位觀眾.....下星期自有分曉!