執屋の垃圾堆

呢幾日復活假大家去咗邊玩呢? 亞祖當然係唔執輸啦...每日都同垃圾堆玩遊戲....搬屋呢家嘢真係個大工程, 呢四日假期日日都執呢樣執嗰樣, 冇得復活之餘重攪到攰屎咁滯! 唉...住咗呢度15年....有啲垃圾足足堆足十幾年....係時候要清一清...

究竟...呢間屋有幾大呢....典解...日日都有八、九袋垃圾要掉架呢? 典解要掉嘅嘢都會多過要留嘅嘢呢? 又典解每日只係用3-4粒鐘執嘢嘅亞祖都攰到死咁滯架呢? ....... 真係一個謎嚟架!

經過前日下晝喺屋企冇啖好食嘅教訓之後....前日即刻拿拿聲入啲貨啦....買咗咁多會唔會食唔哂架? 放心啦...亞祖呢兩日已經掃咗一半有多啦....冇法啦....起身都晏晏哋....要爭取時間執屋嘛....lunch就食住呢啲頂吓...夜晚再食餐好啦!