大食?!

今晚去咗海皇粥店食飯....個待應亞姐見我拎住啲食物就好心幫我拎吓啦, 佢見到我有一set筷子就順便問多句"駛唔駛比多對筷子你呀"....吓!我心諗....明明得我一個...重乜要攞多對筷子呀, 亞姐唔係見到我隔離多咗個人咁邪掛!!不過....當我再睇吓隔離左右, 就知點解喇.....個個都係一碟起兩碟止....我足足叫咗四樣嘢....怪唔知得亞姐咁問啦!

好似好多碟...不過有碟菜得3條咋....碗飯又唔係好大....塊肉餅好細吓....

所以....食哂囉....乜呀...我邊係大食喎....正常食量囉! (話時話lee幾排成日比人話我大食....有幾個人不約而同都係咁講)...車!你哋細食啫...