打仗....

今晚約咗幾個朋友仔番屋企食大閘蟹, 成班茂利浩浩蕩蕩咁去九龍城買完餸同大閘蟹就飛的去我屋企開餐....其實我都係第一次親自下廚招呼啲朋友仔咋, 真係非常之雞手鴨腳, 好混亂吓...真係同打仗唔乜分別....喺度真係要嗚謝lu lu 幫手洗嘢同切嘢, 重有骨妹幫手同啲蟹洗白白....唔係聽朝都未有嘢食呀....

話時話整得唔好食都預咗啦(斷估大家都冇乜期望), 至怕攪到佢哋中毒咋...你知啦水土不服lee家嘢好難講架嘛....各位朋友仔有乜頭暈身興千祈唔好打我呀...

為咗隱陣起見, 都係整番啲難度較低又大大兜嘅嘢好啲....好似葡汁雞翼...一大碟隊飽佢哋...哈哈.............

當然唔少得主角大閘蟹啦....好味!

重有條唔知乜斑....都唔錯呀....

lee個係田螺呀, 好耐冇食喇, 又幾好食喎衰鬼~

lee個碟係啲朋友仔落嘅order 嚟架, 佢哋話想食嘅海參, 今次重加埋花膠....原理同葡汁雞翼一樣大大碟...慌死佢哋唔飽.........

話明打仗, 梗係攪到七國咁亂啦....戰況太激烈....齋洗碗都洗咗8、9個字...堅!