人肉抽濕機

前幾日大家姐介紹咗個抽濕用品比我....點解家陣天氣咁乾燥重要抽濕? 其實我指嘅濕唔係空氣入面嘅水份, 而係人體入面嘅"濕".....千祈唔好問我乜嘢叫做"濕"同埋無啦啦做乜會"濕".......查實我淨係知"濕熱" 同"濕毒" 都應該唔係好嘢, 所以好多時啲亞媽都好鬼鍾意煲埋啲怯濕湯比亞仔工囡飲...之但係....家陣搵鬼煲比我飲咩! 所以大家姐就介紹咗個人肉抽濕機比我....

就係lee個喇...其實我都唔知lee pack 嘢係乜嘢名堂.....

用之前要做少少手作仔先...就係將個藥包粉 (細嗰包) 成包黐落去塊膠布度....最後再將成舊嘢黐落腳板底....臨瞓前先黐....因為塊嘢起碼要黐8粒鐘架....

黐到第二朝就可以搣咗佢....嘩!包藥粉又真係濕鬼哂, 連腳板底都濕濕哋...好攪嘢....

不過話時話我都係用咗兩次咋....真係未知功效如何....見lee排病病哋所以尋晚黐咗塊...話時話尋日明明咳到死好似七級肺勞咁....咁啱又冇哂藥食....唯有黐吓lee塊嘢試吓啦.....唔知係咪又有咁啱得咁橋...黐咗一晚之後....第二日又真係冇咁咳喎....係咪咁堅先!