大話妹

話說上星期六同咗屋企人食晚飯,當中梗係唔少得肥師奶同排骨仔,由於佢哋兩個都係四月生日嘅關係所以3月31嘅就會攪個birthday party

(肥師奶就快六歲喇,排骨仔九歲添喇....),肥師奶重會叫埋佢哋啲朋友仔去添,之但係我嗰晚要做year end support去唔到呀....跟住肥師奶就話"咁你遲啲比番份禮物比我啦!"(哼!好似老馮咁,比佢吹漲)....咁我就同佢講4月1號再上佢屋企比份禮物佢啦.......

點知今日下晝肥師奶打電話比我話:

「你都係唔好咁遲比禮物我啦,不如今個星期五比我啦.....」

亞袓:「唔得喎買唔切呀要買兩份

(一份比

肥師奶,一份比掛骨仔)....」

肥師奶:「唔駛啦買一份比我得啦...」(哈哈...肥師奶就係咁奸架喇!)

亞袓:「哎呀,咁衰....梗係唔得啦.....

」

肥師奶:「咁你而家去買啦....」

亞袓:「我而家番梗工喎點買啫....

」

肥師奶:「咁你食lunch嗰陣買囉」

亞袓:「咁我買唔切架喎....」

肥師奶:「咁你老闆喺唔喺度呀?你同老闆講你肚痛然後去廁所之後偷走咪得囉....

」(吓...咁都比你諗到...好堅呀)

亞袓:「吓,咁會比老闆炒魷魚架喎....

」

肥師奶:「唔怕啦, 你快啲同老闆講啦!」

為咗份禮物真係乜都得, lee啲大話係佢先諗到......服咗佢!不過最後我都屈服咗,應承咗肥師奶31號下晝送份禮物比佢!