園藝農場

今日同咗肥師奶去園藝農場,原本lee個係肥師奶間幼稚園攪嘅親子活動嚟架,不過二家姐話怕咗啲師奶兵團好煩所以叫先我頂

(佢話我生面口應該唔會比人煩喎)....嘩!之但係師奶兵團lee個真係名不虛傳.....作為局外人嘅我都爭啲頂唔浦(查實我比二家姐更怕人煩同囉唆!)....

最慘係隊師奶兵團係肥師奶啲好朋友嘅家長,所以無論搭車

、食飯甚至去廁所都要一齊(由晨早8點幾對到下晝3點呀)...救命

!!!雖則係煩煩哋,不過都幾好玩嘅(見到

肥師奶玩得咁開心都值得嘅!),而且又聽到唔少"有機種植"嘅知識,又試咗食咗新鮮嘅"甜菊"葉(用嚟做代糖架,不過經過提煉同加工就攪到致癌),重睇到啲新品種嘅蔬菜好似紫色薯仔同埋紫紅色皮嘅白蘿蔔....都算大開眼界!

個農場對住海架,個view好靘呀!

lee幾個就肥師奶嘅朋友仔...亦即係鼎鼎大名嘅"五朵金花"喇...

個個小朋友都係....一路食嘢一路睇農作物

...

園內周圍都種滿蔬果,連隻艇都變咗個大花盆...型呀!

每個小朋友都可以種番棵"薄荷葉"拎番屋企....

之但係肥師奶後尾跌爛咗棵嘢,得番張相留念咋!

臨走前又玩集體遊戲"扮稻草人".....又幾好玩喎!

之後又玩"降落傘"啲小朋友玩得勁開心呀!