等...寂寞到夜深....

今晚又要踎喺屋企做standby support喇, 要stand by 到夜晚12 點....唉!公司個system今日好唔生性,無啦啦瓜咗重足足瓜咗半日,放工嘅時候個system都未番生,重係生死未卜,我都知今晚做support實死梗架喇

....

不過結果都比我想像中好,淨係得一個call重係"誤鳴"嗰度,之後我叫user試吓再覆我....可惜我由10點幾等....等到11點都未有消息(又唔好意思催得user咁密)...終於等到11點幾頂唔順再打電話

比user問佢乜情況,佢話一陣先覆我.....咁我又繼續等....攪到我連沖涼同去沖廁所都唔敢

.....終於等到12點....user都係未覆! 正所謂過咗海就神仙...過咗12點我即刻標去沖涼...唔鬼等喇

.....

由於要做stand by support嘅關係,連大茶飯都唔敢整,頭皮煮個鳥冬食算喇....唔知lee碗嘢乎唔乎合3+2+1比例呢!