今日終於收到新name card喇,其實我都唔知點解無啦啦要印咭片,自問冇乜朋友(係朋友嘅話見真人好過啦!)連vendor都唔識多個,印成百九幾張咭片嚟都唔知要派比邊個
.....雖則係咁,若然要印嘅話我都冇反對,不過最大問題係張咭片要show埋張相出嚟....
其實我啱啱入職嘅時候都影咗張相做職員証(都5年幾前喇),之但係嗰張相又真係相當之咁樣衰
!(簡直可以用慘不忍睹嚟形容,當然個model都要負啲責任嘅,亞袓始終都係亞袓冇可能可以影到好似李嘉欣咁
)....由於張相實在太難頂,唯有問媽媽可唔可以影過張.....好彩媽媽深明大意比我影多次......亦好明顯佢睇完舊嗰張相都覺得........
....
唔駛講大家一睇就估到邊張相喺新(終於變番個正常人)
.....邊張相喺舊(左手邊嗰張)啦! 其實左手邊嗰張沙龍係有朵架,個名叫"叮噹"因為無論橫睇掂睇個"頭"都係圓形架(同一隻叮噹係完全冇分別架）,最難得係無論髮型同面型都好一致,襯到絕一絕....
...lee個造型真係好難先攪到,真係唔係個個得架
!
話時話舊嗰張相又應該冇乜比過啲朋友仔睇喎(哈哈!大家即管笑啦,次次拎張相出嚟都比同事恥笑架
...慣咗喇!)...不過最後admin都攪錯咗,拎咗舊嗰張相去印....頂!.....之後又再拎番新張相去重新印過...攪到家陣印咗400張咭片出嚟呀...真把鬼!
沒有留言:
發佈留言