尋晚半夜三點幾,瞓到矇矇矓矓之間無啦啦聽到警鐘响,重係勁嘈嗰度,好明顯係喺lift口傳出嚟....嘩!...嚇到我即刻彈起身,心諗死啦會唔會火燭架
!
我即刻用9秒9碌落床再開門睇吓發生乜事啦,點知出面又好平靜喎, 人影都冇隻,又冇人出嚟八!莫非祗係有人困lift? 不過都係問吓護衛叔叔穩陣......之但係搵極都搵唔到樓下護衛叔叔個電話
!又見周圍都冇乜動靜,都係靜觀其變先....就係咁過咗十五分鐘,個警鐘依然响梗.....重係冇停過嗰度....我又諗唔係喎困lift又無理由响咁耐架
.....好唔對路喎!
究竟發生乜事呢.....嗰一刻又真係好迷網....都係問清楚求個安心都好吖...搵咗十幾分鐘,終於比我搵到護衛叔叔個電話
(等咗半粒鐘先問....若然真係火燭我都應該死咗十次!
)....護衛叔叔話我知原來lee排天氣潮濕攪到個警鐘誤鳴,消防員已經搶修梗.....頂!真係嚇鬼死!
又過咗5分鐘,個警鐘終於冇响....之但係我已經瞓唔番喇.....5點幾個鐘又响咗一陣,我已經冇再理佢喇!到6點幾先恰著...點知個鬧鐘又响....唉!啲"鐘"好似同我有仇咁
....成晚夾夾埋埋都瞓唔夠三粒鐘....家陣勁眼瞓呀
!
沒有留言:
發佈留言