芋頭蕃薯糖水

唔知係咪下晝同咗姐姐、媽媽同師奶仔食咗個火煱食到飽飽滯滯呢(係咪好威呢,lunch走去打邊爐),夜晚冇乜胃口食嘢,頭皮隊咗個雲吞麵同油菜就諗住閃番屋企抖

....途中經過百佳就順便入去行陣啦,見到有啲一pack pack 切好嘅芋頭蕃薯,入面重抵死到有片薑同片糖.....又唔知點解餐餐冇乜胃口食飯嘅時候反而會好想食糖水

,所以諗都冇諗就買咗pack嘢!

以前見亞媽批芋頭皮都會攪到皮膚敏感,所以我從來都唔敢掂未煮嘅芋頭...家陣切好哂好方便呀.......話時話冇胃口得嚟都可以隊個雲吞麵、油菜同大半碗糖水....係咪有啲恐怖呢

!