勁抵

今朝起身見有啲發燒,所以請咗一day病假抖吓.....瞓醒再落街睇醫生.....唔知點解無啦啦諗起前幾日睇lu lu個blog見佢幾舊水睇一次醫生有一大堆藥好似有啲恐怖,點知頭先睇咗百四蚊醫生....都係有一大堆藥,五顏六色咁真係食藥都飽!

最攪嘢係醫生問我有冇咳我話"冇",醫生再問我平時易唔易咳我話"易",咁醫生就話咁比埋咳水你食定先啦.....(吓冇咳都要食定先,真係預防勝於治療喎!)......跟任我同醫生講個口生咗好多飛滋,醫生就幫我楂咗啲飛滋膏(重比咗啲維他命丸比我),不過楂到我成個嘴都係飛滋膏連個口都擘唔開,真激死!

雖則百四蚊有咁多嘢...but冇咳又唔多想飲定啲咳水...抗生素!?以前食得太多家陣對我已經起唔到乜嘢作用....至於飛滋膏嘛....我唔想攪到漿住哂個嘴開唔到口講嘢呀.....

最後我都係啪咗粒退燒丸同維他命咋.....