川龍村半day遊

yeah又可以放假喇....連續三day假期爽呀....難得放假...今朝就同咗個朋友仔去咗川龍村嗰間"彩龍茶樓"飲茶....真係估唔到原來真係咁多人架喎! 淨係喺荃灣等van仔都等咗一排...去到川龍村都11點喇, 幾驚去到冇哂嘢食呀...不過唔知係咪放假呢....好多人重食梗嘢....而且重不斷有人等位...堅!

我哋喺咗出面揀咗個靚位坐.......

原來呢度乜都係自助形式架....由沖茶到拎嘢食都係自己嚟.....

都有好多款式嘅食物比你揀架喎.....

腸粉好似唔錯喎.....

煎炸嘢都幾靚仔.......

豆腐又好似幾得咁......

重有甜品...........

豆漿同豆腐花都ok咁喎.......

太多選擇....真係樣樣都想試呀....揀啲嚟試吓先啦.....

試吓啲煎榚先.....煎得好激烈吓....個皮確係幾趣......

牛柏葉都ok呀........

蝦餃都唔錯呀.......

再隊咗杯豆漿....飽哂....

食飽飽就周圍逛吓先.....噢! 原來重有另一間酒樓....噢! 原來呢間先係我哋原本想去嗰間呀...haha....其實兩間個款都幾似...一樣都係幾多嘢食...下次要試吓呢間先!

行吓行吓....就行咗去菜田....有好多西洋菜呀....成塊青綠色草地...好靚呀...

田嘅側邊重有啲小溪....有啲人重喺度捉魚添......

等我又影番張"到此一遊"相先.....

再行吓行吓就沿住條山路落山先.....

其實天氣咁好行吓山都唔錯吖.........日日運動身體好吖嘛...