勞動節家訪

今日行程緊密呀....繼上半day去咗川龍村行山之後...下晝又繼續下半場....去咗姐姐屋企家訪....

嘩....真係辛苦哂吳氏伉儷....成個下晝忙於準備晚餐招乎我同師奶仔一家....家陣就準備整燒雞過我哋吔.....呢啲係rosemary加彊粒...用嚟塞入隻雞肚度架....

重有蜜糖芥末漿....

啲芥末醬係用嚟塗喺雞皮度....再拎去焗....由於時間關係...要蛋吓先有嘢食....又未夠鐘開飯咁有乜攪呢?! 咁就睇吓vcd...又可以同"漢堡神偷"玩吓.....邊個係"漢堡神偷"? 大家睇落去咪知囉.........

大家估唔估到呢位"漢堡神偷"(佢件衫仔確係幾有"監獄風雲"feel)係邊個呢? 冇錯...就係師奶仔個仔仔"朗朗"喇....唔知點解佢同姐姐好投契咁喎...成日望住姐姐笑....嗯! 咁細個就識昅女仔....有前途!

你睇佢笑得幾開心....連師奶仔都話估唔到"朗朗"今日咁乖喎...叻仔!

玩吓hea吓又到太陽落山喇....又係時候開飯喇....

隻雞燒好喇(前後燒咗兩隻呀)....幾靚...重好香添.....

比我撕殺到好樣衰吓添...切開佢大家易食啲吖嘛.....

重有炒彩色燈籠椒......

帶子刺身....又幾好味喎...

咪以為呢兜飯係外賣呀....佢係姐姐精心炮製嘅傑作嚟架....整得幾靚!

其實姐姐係對住呢張相整架...又幾似喎...haha....

重可以用紫菜包住啲飯當手卷....好味呀!

加埋師奶仔整嘅什果沙律...好滿足呀.....

幾colorful....齋睇都開心......