訴苦!

究竟...係我樣衰吖?....定係我乞人憎?....抑或係我太淋呢? 典解又係我? 典解又向我發皮四呢? 真係一啲都唔明! 唉...呢位同樹都唔係第一次...真係彿都有火! 事原係咁嘅...呢排我哋玩梗job rotate...咁啱今日有個case唔係我之前做開嘅嘢...咁我check完之後咪問番上一手個位同樹....(唔好意思...今日實在太燥, 以下內容含有勁多粗口...不過嚟嚟去去都係嗰兩句...敬請原諒)

事件一:

我問:"呢個case好似係data conversion冇倒data喎...咁係咪叫user manual喺system create番個record就得呢?"

同樹答: "咁user做乜要用呢個record呢 ?"

我答:"咁人哋要入嘢落syste又搵唔到個record囉"....

同樹耍我咁答:"個record好舊架喎....乜重要入咩"....

我答:"咁個user真係要入....我都冇佢辦法架喎(大佬...唔通我唔比user入嘢咩)...咁係咪叫佢自己manual create就得喇" (都怕咗佢...我重申一次我個問題!)

同樹二話不說又自己再打比user問埋啲無關痛餋, 九唔搭八嘅嘢...傾又就同我吹番佢同user吹咗嗰堆癈話!!

咁我又再講: "其實...呢樣嘢真係唔關事喎....佢家陣冇咗隻record...重點係究竟user點先可以再見番隻record囉"....(註:我絕對可以發誓...我真係笑住口同佢講....絕冇半點串佢之意)

點知同樹答: "咁你鐘意啦...你用你嘅方法整囉"....

"頂....仆你個街" x n...實不相瞞...聽完佢句嘢...我真係想咁鬧爆佢....乜嘢態度呀....家陣問嘢啫...駛唔q駛咁先...我得罪咗你啲乜先! 冷靜咗幾十秒之後再問多條仆街一次"咁應該點fix呢個問題呢"...

條仆街: "呢啲case冇發生過喎"

我真係火都嚟:"乜呀...倒漏data點會冇發生過呀?" (呢句我真係火火地)

條仆街: "咁咪叫user 自己create番囉"...仆你個街吖...晨早答呢句咪得囉....攪咁多嘢都係得呢個答案!你老闆!

事件二:

今日下晝又開例會....咁我見我新接手啲case嗰啲user成日都唔落call, 淨係成q日用個excel嚟update啲case...個excel啲資料又唔齊...連邊個落呢個case都唔知....我又成日唔知同邊個follow up....咁我咪問老細其實呢啲嘢係咪應該叫user落call, 唔好再用個爛鬼excel file 啦.....

老細當然agree啦...其實當user遇到有關用system嘅問題...打去helpdesk落call係好正常嘅情序! 之但係...呢個九唔搭八嘅excel係條仆街唔知幾時同user agree咗嘅process....好自然...老細就叫番條仆街再同user傾番....勸user落call啦! 條仆街擺明唔q想理(左問右問...其實我都唔知有乜嘢好問....)...最後重拋多一句"咁亞祖想落call咪落call囉"...我頂!你係咪第一日嚟做呀.....呢啲係正常情序嚟架....你咁聽我話嘅話...我叫你去死你係咪去死吖! 好在...老細都睇唔過眼講咗句...."其實係成個IM都prefer落call嘅"...唉!終於聽番句人講嘅說話!

總而言之....今日實在太激氣! 係喎...我想講...呢條仆街...其實...係"仔"嚟架....點解...佢啲皮四可以差咁小氣...咁反覆....重煩過啲女人! 終於...我喺公司個internal msn度打咗句"忍無可忍....唔好再發我皮四"...呢句嘢...將會保存到永遠!

唉...今日捱得太辛苦...放工搵咗兩位"好"同樹開飯....

唔知乜燒牛肉壽司...唔錯喎!

呢個雞翼幾好味.......

鹽燒三文魚....好唔錯!