bye拜你條尾!

當你哋睇到呢篇卜嘅時候...我已經去咗.....(唉....後生遙遙就...)....去咗歐遊.......等咗幾個月終於出發喇...心情除咗"展張"之外....重有啲心煩同失眠....真係要啪兩粒"靜心"先得喇!

呢排確係公私兩忙....番工又要趕個死人爛鬼project....一放假又忙於執屋....真係冇時間抖吓...攪到呢排個人都燥啲!燥之餘...重有啲自閉添...有時間就hea咗喺屋企.....連之前一齊食飯嘅"飯腳"亞美都成個幾月先見一見....呢個幾月唔係番工就係執屋....人都悶埋....真係要放假抖一抖!

呢排有好多朋友仔都好關心我嘅搬屋情況....嗯.....查實我已經決定咗.....去完旅行番嚟先搬喇....實不相瞞....其實我真係好唔捨得搬走架.....不過....又好想換過新環境重新過新生活 (好似啲"更生"人士咁)....好矛盾....攪到呢排心情都麻麻! 之但係...天下無不散之筵席呢個道理我完全明白嘅....等番嚟調整好心態再搬啦! 靜龜龜話你哋知...其實呢....我寫咗幾篇勁"無聊"嘅卜關於呢家嘢嘅(查實真係幾無聊....我都係純粹想寫幾篇嘢"悼念"吓我間屋啫...大家睇完可能悶到鬧爆咗...haha)...anyway...有性趣可以睇睇....幾時有得睇? 嗯.....當你"市花行"冇嘢做咪嚟昅吓有冇嘢睇囉...HAHA!

cu la....唔駛掛住我架....因為...我一定會玩得好開心....乜都唔記得架喇....唔記得番工啲賤人,爛人同衰人....又唔記得個勁爛嘅project....亦唔會掛住搬屋啲煩嘢!