海鮮餐take 2 ~ Action!!

大家....容許我再哂一哂命啦...實在冇乜幾何連續三日都食得咁"堅"......繼星期四嗰片皮鴨同星期五嗰餐平靚正海鮮餐後....星期六又再嚟一嘢住家海鮮餐!

典解又咁豐富?查實係去咗二家姐屋企同佢預祝"媽媽節"....咁我又晨早預告比二家姐知會拎啲龍蝦上去比佢煮.....所以佢就索性整個海鮮餐嘆吓!

第一味係牛油煎蝦....啲蝦好鮮味呀.....

薑蔥炒蟹...好香呀...啲肉蟹啖啖肉...好味.....

上湯龍蝦加伊麵底...呢碟係最快清哂嘅一味餸囉!

酒煮蜆...都唔錯呀有啲酒味幾香...不過呢啲朋友就未必啱食喇....

食到飽飽...二家姐就提意"玩吓"自製芒果果醬...肥師奶就好高興話幫手呀...佢都有幫手起啲芒果肉架.....不過呢....起5舊肉偷食一舊咁囉....haha

佢重幫埋手煮添....似模似樣架...不過....煮唔夠二分鐘就問"係咪得喇...?!"如是者...每隔兩分鐘問同一條問題囉...比佢激屎!

就係咁煲吓煲吓.....嗯....不過呢....典解冇製成品張相架呢?...嗯.....因為.....個款真係唔多似咁喎....都講明係食飽飯冇嘢做玩吓架啫...算罷啦!