其實...呢排番工真係番得好苦...日日OT唔在講...又要對住條九唔搭八死o靚仔....又要耐唔頂吓條死pk同樹啲臭皮四! 又趕project....比完老細追斬又要比user追斬.....重咁啱玩job rotate....啲system support要由頭學過....真係考忙考苦
!
雖則真係好辛苦好辛苦...不過...一諗起就嚟放假去反就幾辛苦都捱到! 其實...去邊唔係重點...可以真真正正relax吓放吓假先係最開心....原本諗住今次真係可以毫無顧慮咁玩啦....點知無啦啦又殺出咗猪流感攪到人心惶惶! 激屎! 不過我呢啲爛命一條梗係唔理三七廿一.....玩咗先算啦
!
不過..."幣"公司就小心得多喇....呢排重要玩"旅遊申報"....若然去過啲有確診個案嘅地方...番到香港就要自我隔離十日! 噢!黑仔祖去親嘅地方一家係舔咗嘢嘅地方啦
....換言之....亞祖除咗去兩個禮拜旅遊之外....重多咗十日自閉隔離(呢一刻我收到嘅消息係咁囉...唔知會唔會有變)....當然....自閉隔離即係玩home office...你估真係唔駛do 咩!
各位親嗌嘅同樹...若然真係要玩自閉隔離嘅話...恐怕有排都見大家唔到啦...大家....係咪好開心呢! haha!
........ 你上到機先算啦~~
回覆刪除[版主回覆05/07/2009 22:36:00]你...你....你呢個毒婦....好毒呀...啋過你反彈冇回頭...haha!
我個人黎講實在唔低得你咁洒命，so 開始發吓功先， 上到機先 講 啦！
回覆刪除[版主回覆05/07/2009 22:37:00]哎呀...有乜差池我實唔放過你兩條茂利架....哼!
咦 ~ 最底層個位係妳朋友嗎？ 佢句說話都 .. .. .. .. 頗惡毒吓喎！
回覆刪除[版主回覆05/07/2009 22:39:00]最毒婦人心....女人真係唔可以得罪架....唔係會屎得好慘...一係就比人咀咒...一係就比人鬧"仆街"架....
我公司好快收埋左啦(墨,美除外)....唔好埋咁多.玩左先講
回覆刪除[版主回覆05/10/2009 23:20:00]係...講得冇錯....玩咗先講...haha