海鮮大餐@九龍城

wooowooo....呢兩日真係日日有食神(日日係咁食遲早真係變咗"滔滔"...)....今次係去咗小淫蛙推介嘅"竹園海鮮飯店"...去到已經人頭湧湧咁喇.....你睇有幾多個"人頭"喺度................

其實有時同啲朋友仔去九龍城開飯都經過呢間飯店...不過始終未試過....門口搬哂啲海鮮出嚟....款式都幾多吓喎....

好在都好快就有位啫...係呀....呢度啲橙汁任飲架.....

一嚟就清清哋整碟菜先啦......

再嚟乳鴿....唔錯唔錯....

芝士龍蝦....啲麵"索"哂啲汁好正呀..."芝士"....i like it!

豉汁聖子......都好食呀....

呢個蟹雖然細細隻...不過唔知典降...蟹仔細細都鬼咁多膏?!

蒜蓉蒸帶子..........

豉油皇中蝦....都好味呀.....大大碟添呀....

重有兩條唔知乜魚.......

鮑魚仔都唔錯呀......

重有精美甜品.......

啲橙都幾甜呀....正....

大家數唔數到我哋6條友食咗幾多碟嘢呢? 估唔估到幾錢呢? 答案係: 位位$162...啲海鮮重好新鮮吓...冇爛冇霉架...一個字"抵"!

雖然食得好飽...不過甜品呢家嘢又典少得呢....我哋去咗附近嘅"金滿堂"食甜品...查實我都係第一次去咋.....

嗯....呢張相呢...其實我真係好佩服自己嘅攝影"技術"...居然影到佢有啲"黃色招牌"feel....好誘惑..................

又真係有好多款色揀喎...幾特別咁.....

終於揀咗4款share一齊食..呢個係咖啡果凍+咖啡雪糕..唔會太甜...啲咖啡味啱啱好!

呢碗雪中花...有好多料架...有雪糕...紅豆....豆腐花...黑色一條條類似涼粉嘅物體.....加加埋埋又ok喎......

呢個係唔知乜嘢芒果海底椰啲friend.....

重有個芒果什什河粉....真係超級飽呀....