餓鬼吔蟹

今晚放工約咗班同樹去吔大閘蟹....我哋一行12個去咗德興擺咗圍蟹宴...唔知典解....識親啲人十個有九個都好似餓鬼咁....亞祖何出此言....嗯...你睇完呢篇嘢咪知囉!

一嚟整番兩渣橙汁先......

除咗橙汁...重有花彫....之後都試咗少少....啲味都ok喎....

唔知做乜鬼....個侍應姐姐7點4就話幫我啲蒸蟹....叫佢嚟住個6小碟食吓先啦....佢又九年都唔上菜...一個二個餓屎咁滯! 等咗參唔多半粒鐘先有嘢食....一輪狂風掃落葉之後.....得番6隻吉碟....

woowooo...期待已久嘅蟹呀....7點4蒸到8點幾....真係等佢好耐呀....

又幾肥美架喎衰鬼...一人兩隻...好好味呀....

啲蟹食到七七八八嘅時候就上埋其他菜....我....我....我已經用9 秒9嘅時間食埋啲蟹架啦....食完蟹咪去洗吓手順便去埋個廁所囉....明明去手洗間之前呢碟嘢重係好滿吓架喎....典解行開一陣攪成咁架..好可怕....簡直係一單不可思議嘅靈異事件!

重有呢個足料蟹皇翅.....

你睇你睇...人哋明明影梗相架嘛...無啦啦有隻'餓鬼手'伸出嚟....好鬼異呀....

碗嘢都好多料架...有蟹肉....竹生....好味!

又有我嘅至愛豆苗...不過...啲老苗重老過我囉! 呢碟真係自己整重好味啲...不過...最後當然都係一條都冇淨啦!

魚一條....都ok啦.....

蟹粉小籠包.....都ok呀......好大隻呀.....

呢碟係唯一一碟冇人掂過嘅嘢.....係炒年糕嚟架....典解冇人食? 飽哂? 一定唔係啦....只怪佢賣相唔多吸引....連平日乜都擺落口嘅亞祖都敬而遠之....

又典解我咁肯定大家未飽...一睇呢個搶包嘅情況就知...其實大家重好有食力啦....喂喂....大家咁鍾意搶包....去玩搶包山吖笨....下年長洲見啦....

影完上一張相之後咪入番部相機落相機袋囉....都係一陣啫...真係幾秒咋...你睇....啲飽冇哂....都好....重記得留番個飽比亞祖....

食埋生果就好滿足咁打道回府....嘩....唔覺唔覺7:30食到10:30....唔知重以為去咗飲呀! 鬼咩...每上一碟菜都要三催四請,下次可唔可以快啲呀,人哋考心喼架嘛!