一家團聚喇!

今日終於可以拎番煎釀三寶番屋企喇....之前重死諗爛諗點拎佢哋番屋企....考驚比我撞爛哂 (整爛埋朋友仔嗰啲就唔好啦!)...不過....原來老師好體貼...將我哋啲製成品一個個用紙包好....重pack埋落袋貼哂label....易搵又唔會爛!

好緊張呀....頭先驗貨嗰陣未睇真架....拎出嚟研究吓先!

嗯....呢位先生...你....你....你係邊位呀...我隻亞龜....即係菠羅龜呢.....去咗邊呀....我亞龜明明青靚白淨...考靚仔架喎...典解你定陣好似亞祖咁成臉都係斑斑架...啲斑重上哂腦添...想典呀....真係好學唔學...激屎人!係咪我啲光油油得唔好呀....典解一撻撻架!

乜....連贛兜兜你都係咁呀...好彩你入面先一撻撻啫, 係咪呢隻色有問題呀!其他色冇咁覺架喎...典解呀......

反而之前最唔靚仔嗰個家陣好樣咗少少咁喎! 真係估你唔到!

嚟番個大合照先....."令立立"呀.....燒完第二轉又真係實淨啲架喎.....不過呢...咁"令"硬係好似睇唔慣...有啲怪怪咁....

我都係鍾意未油光油之前嘅煎釀三寶多啲囉, 啲色好似自然啲呀...不過...無論你哋變成點我都係咁"嗌"你哋架!