尋日又約咗班骨精強北上尋歡....今次我哋去咗淫蛙推介嘅"三島"揼骨...又確係唔錯呀...啲推油姐姐嘅手勢好得吓! 考c服呀...爽!
揼完骨就去開餐....今次去食日式放題...亦都貫徹番"一係餓屎, 一係飽屎"嘅宗旨! 由於要留肚嘅關係....大家lunch都係食咗少少嘢咋....真係餓屎咗先去開餐!
呢間嘢確係幾靚吓.....
重考大添.....不過由於時間尚早(5點鬆啲咋)所以冇乜人...
等到5點半終於開始自助餐時間...一嚟即刻係咁叫嘢食...真係叫咗考多嘢....淨係睇相算罷啦....
呢杯係梅酒嚟架....之前啲朋友仔話我知好好飲好甜好易入口.....嗯都係嘅甜甜哋....不過....平日滴酒不沾嘅亞祖....淨係飲咗呢杯嘢已經....
$168...都幾多嘢食....我哋由5點半食到9點先收手....真係飽屎!唔講唔知大家又估唔估到我哋呢餐有幾多個人食呢?(其實有啲嘢食係叫完再encore架....即係呢...我哋唔只食咁少囉)......查實....我哋一行係....5女1男....嗯...我...我...我哋都唔係好大食啫係咪! 
雖然M姐之前千叮萬囑叫我唔好用"骨場之友"做標題咁肉酸...之但係...真係形容得好貼切吖嘛...i like it! 
好很吸引..............
回覆刪除[版主回覆10/13/2008 14:03:00]係架...我哋荒屎蝕抵海膽都叫咗4板....好味呀!
冇錯"骨場之友"好難聽，不過我都有用，哈哈
回覆刪除[版主回覆10/13/2008 23:22:00]不過....你用'五后一皇'嚟形容好似重正喎...簡直令人想入非非....哈哈
今次我個標題就比較........... "正經"喇~~~
回覆刪除都好少何~~
[版主回覆10/14/2008 12:55:00]係...確係非常之難得(你知就好啦)!
好正呀﹣０﹣下次叫埋下吾該><~
回覆刪除[版主回覆10/16/2008 18:11:00]真係好正架...飽到亞媽都唔認得...
by the way..上井響邊
回覆刪除[版主回覆10/16/2008 18:12:00]喺金光華商場....喺羅湖搭一個地鐵站就到...都幾方便架!