茶餐廳

尋晚夜晚晚10點幾先同大家姐去開飯, 我哋又攰又餓

, 諗住頭皮去茶餐廳攪掂算啦, 入到去坐低睇吓四周圍啲餐牌, 有晚餐、常餐、粥粉麵飯、多士、三文治嗰啲嘢

, 正當我哋研究梗有乜嘢食之際, 諗住問吓伙記叔叔有冇炒麵, 跟住伙記叔叔就話: 「乜都冇呀, 得飯咋…」, 大家姐就再問: 「咁三文治、雲吞麵嗰啲有冇呀? 」伙記叔叔都係答: 「冇呀, 得飯咋…」咁家姐就話要碟西炒飯啦, 但係伙記叔叔又話: 「得中式飯咋…」。情況就好似麥嘜去茶餐廳叫晚餐咁, 乜Q都無, 真激死!

由於荒原百里都冇其他食肆, 我哋唯有夾硬叫兩碟飯食啦, 叫咗碟豉椒排骨飯同斑腩飯, 後尾家姐睇吓張單, 發覺個價錢都寫錯埋! 最攪嘢係隔離嗰兩張枱搵咗第二個亞姐落單, 人哋就哎乜有乜, 炒麵、湯麵、多士乜都有

…比伙記叔叔吹漲!