尋日肥師奶又去咗我屋企hea, 咁啱屋企條電話線啲問題,我call咗電話公司啲人嚟check, 個電話公司哥仔3點就嚟到我屋企, 跟住就去咗check 機房條電話線…由於個哥仔成日行出行入咁我就開住隻門同鐵閘比哥仔行囉…肥師奶見隻門開咗又八八卦卦咁企喺門口昅嚟昅去…
佢企企吓無啦啦望住我同我講: 「點解有人唱歌嘅?」 跟住我就話比佢聽住喺斜對面個伯伯日日都唱K架。肥師奶聽完之後就皺哂眉咁話: 「好難聽呀…」之後佢就向住斜對面伯伯間屋大哎: 「伯伯你唱得好難聽呀, 唔好唱啦,嘈到死, 阻住人哋休息…」哈哈, 雖則真係冇乜禮貌, 但係絕對講哂所有隔離鄰舍嘅心聲, 利害!
沒有留言:
發佈留言