上頭

前晚(22/4 星期六)係大家姐上頭嘅日子, 佢啲朋友仔(大猪, 大b同燒味)都上咗我屋企, 大猪同大b重喺度食晚飯添, 佢哋真係姐妹情深....

到咗9:00 大b個媽咪就嚟咗同準備同大家姐上頭, 二家姐就煮定啲湯丸...到咗9:30 左右上頭儀式就開始,查實都係梳幾梳個頭同埋噏幾句好意頭嘅說話咁囉....跟住重要執定一大袋結婚用品準備, 等第二朝大家姐出嫁嘅時候用....好緊張呀, 雖然係第二次做伴娘,但係上次二家姐嫁嘅時候有大家姐幫手....今次我要一手一腳攪掂,真係十分十分之緊張呀!