放榜

前排同師奶仔讀嗰個logistic course,自從一月尾考完試之後就冇哂消息咁, 若果唔係師奶仔問我收唔收到消息我真係醒唔起有lee樣嘢,不過其實我哋唔係緊張啲成績,我哋淨係想拎番張嘢去claim 錢姐

。於是上個禮拜師奶仔就打咗去問, 個姐姐仔話考完試要等兩個月先至有消息喎, 咁就唯有繼續等啦…

殊不知尋晚番到屋企就見到張摺到好似梅菜咁嘅成績單擺咗喺枱面,無啦啦又咁快寄到嚟, 真係冇乜心理準備!拿拿聲拎張成績單睇吓先… 嘩! 好堅! 攞"A" 呀

, 真係九十幾年冇攞過A! 查實都係多得亞sir,佢真係冇得頂,毫無保留咁放水,慌死我哋唔合格咁款,唔係靠佢啲貼士真係唔駛旨合格, 不過我都開turbo苦讀咗成晚架! 斷估其他同學仔都同我一樣咁鬼"好"成績!

後尾再睇番張成績單個issue date, 車! 張嘢係3月1 號issue 架喎, 就算飛鴿都唔駛一個月先飛到嚟啦, 個姐姐仔叫我哋等兩個月未免誇張咗小小喎!